కమ్యూనిటీ మార్గదర్శకాలు

పిల్లల లైంగిక దోపిడీ లేదా దురుపయోగ చిత్రావళి, పిల్లల గ్రూమింగ్, లేదా లైంగిక దుష్ప్రవర్తన (సెక్స్‌టార్షన్), లేదా పిల్లల లైంగికీకరణతో సహా ఒక మైనరు యొక్క లైంగిక దోపిడీ లేదా దురుపయోగం ఉండే ఎటువంటి చర్యనైనా సరే మేము నిషేధిస్తాము. అటువంటి బాలల లైంగిక దోపిడీ ప్రవర్తనలో నిమగ్నం కావడానికి చేసే ప్రయత్నాలతో సహా బాలల లైంగిక దోపిడీ గుర్తించబడిన అన్ని సందర్భాలను మేము అధికారులకు రిపోర్టు చేస్తాము. 18 సంవత్���రాల కంటే తక్కువ వయస్సు ఉన్న ఎవరైనా ఇమిడి ఉన్న నగ్నత్వ లేదా లైంగిక బహిర్గతమైన కంటెంట్‌ను ఎప్పటికీ పోస్ట్ చేయవద్దు, సేవ్ చేయవద్దు లేదా పంపించవద్దు, ఫార్వార్డ్ చేయవద్దు లేదా అడగవద్దు (ఇందులో ��టువంటి మీ స్వంత చిత్రాలను పంపించడం లేదా సేవ్ చేయడం వంటివి కూడా ఉంటాయి).

అశ్లీలత లేదా లైంగిక పరస్పర చర్యలు, అదేవిధంగా వాణిజ్య కార్యకలాపాలకు (ఆన్లైన్ లేదా ఆఫ్‌లైన్ అయినా) సంబంధించిన లైంగిక అశ్లీలతా కంటెంటును ప్రోత్సహించడం, పంపిణీ చేయడం లేదా పంచుకోవడం వంటి చర్యలను మేము నిషేధిస్తాము.

లైంగిక-యేతర సందర్భాలలో స్థన్యపానము మరియు నగ్నత్వం యొక్క ఇతర చిత్రలేఖనాలు సాధారణంగా అనుమతించబడతాయి.

మేము అన్నిరకాలైన బెదిరింపులను లేదా వేధింపులను నిషేధిస్తాము. ఇది అవాంఛిత, లైంగిక, అసభ్యకరమైన, సూచనాత్మక లేదా నగ్న చిత్రాలను ఇతర వినియోగదారులకు పంపడంతో పాటు అన్ని రకాల లైంగిక వేధింపులకు వర్తిస్తుంది. మిమ్మల్ని ఎవరైనా బ్లాక్ చేసినట్లయితే, మీరు మరో Snapchat అకౌంట్ నుంచి వారిని సంప్రదించలేకపోవచ్చు.

ఒక బాత్‌రూమ్, బెడ్‌రూమ్, లాకర్ రూమ్ లేదా వైద్య సదుపాయం వంటి ఒక ప్రైవేట్ స్థలములో వ్యక్తి యొక్క చిత్రాలను – వారికి తెలియకుండా మరియు సమ్మతి లేకుండా పంచుకోవడం నిషేధించబడింది, ఎందుకంటే, వారికి తెలియకుండా మరియు సమ్మతి లేకుండా మరొక వ్యక్తి యొక్క ప్రైవేటు సమాచారమును పంచుకోవడం అనేది వేధింపు యొక్క ఉద్దేశ్యం కోసం (అంటే, “డాక్సింగ్”)అని అర్థమవుతుంది.

మీ Snapలో ఎవరైనా ఉండి, దాన్ని తీసివేయమని అడిగితే, దయచేసి తీసేయండి! ఇతరుల యొక్క గోప్యతా హక్కులను గౌరవించండి.

అనుమతించదగిన కంటెంటును ఉద్దేశ్యపూర్వకంగా రిపోర్టు చేయడం వంటి మా రిపోర్టింగ్ పద్ధతులను దురుపయోగం చేయడం ద్వారా దయచేసి మరొక Snapచాటర్ ను కూడా వేధించవద్దు.

హింసాత్మక లేదా ప్రమాదకరమైన ప్రవర్తనను ప్రోత్సహించడం లేదా నిమగ్నం కావడం నిషేధించబడింది. ఒక వ్యక్తి, వ్యక్తుల సమూహం లేదా మరొకరి ఆస్తికి హాని కలిగించడానికై ఎప్పుడు కూడా భయపెట్టవద్దు లేదా బెదిరించవద్దు.

జంతు హింసతో సహా అనవసరమైన లేదా గ్రాఫిక్ హింస యొక్క Snapలు అనుమతించబడవు.

స్వీయ-గాయం చేసుకోవడం, ఆత్మహత్య లేదా తినే రుగ్మతలను ప్రోత్సహించడంతో సహా స్వీయ-హానిని పెద్దగా చూపించడాన్ని మేము అనుమతించము.

విషాదకరమైన సంఘటనల యొక్క ఉనికిని తిరస్కరించడం, నిరాధారమైన వైద్య క్లెయిములు, పౌర ప్రక్రియల యొక్క సమగ్రతను తక్కువగా అంచనా వేయడం, లేదా తప్పుడు లేదా తప్పుదారి పట్టించే ప్రయోజనాల కోసం కంటెంటును తారుమారు చేయడం వంటి (జెనరేటివ్ AI ద్వారా లేదా మోసపూరిత సవరణ ద్వారా అయినా) హాని కలిగించే లేదా మోసపూరితమైన తప్పుడు సమాచార వ్యాప్తిని మేము నిషేధిస్తాము.

మీరు కాని మరొకరు మీరుగా (లేదా మరోదానిగా) చూపించుకోవడం, లేదా మీ గురించి మీరు ఎవరో ప్రజలకు తప్పుగా తెలియచేయడాన్ని మేము నిషేధిస్తాము. ఇందులో హానికరమైన, వ్యంగ్యేతర ఉద్దేశ్యాల కోసం ఫ్రెండ్స్, ప్రముఖులు, ప్రజా నాయకులు, బ్రాండ్లు లేదా ఇతర వ్యక్తులు లేదా సంస్థలలా నటించడం ఉంటుంది.

వెల్లడిచేయని చెల్లింపు లేదా స్పాన్సర్ చేయబడిన కంటెంట్, పే-ఫర్-ఫాలోయర్ ప్రోత్సాహకాలు లేదా ఇతర ఫాలోయర్-గ్రోత్ పథకాలు, స్పామ్ అప్లికేషన్స్ లేదా మల్టిలెవల్ మార్కెటింగ్ లేదా పిరమిడ్ పథకాలవంటి వాటితో సహా, స్పామ్‌ను మేము నిషేధిస్తాము.

మోసపూరిత వస్తువులు లేదా సేవల ప్రమోషన్ లేదా త్వరగా ధనికులయ్యే పథకాలు లేదా Snapchat లేదా Snap Inc.ని అనుకరించడంతో సహా మోసం మరియు ఇతర మోసపూరిత పద్ధతులను మేము నిషేధిస్తాము.

మీ అధికార పరిధిలో చట్టవిరుద్ధమైన కంటెంట్ పంపడానికి లేదా పోస్ట్ చేయడానికి, లేదా ఏదైనా చట్టవిరుద్ధ చర్యలకు Snapchat ని ఉపయోగించవద్దు. ఇందులో చట్టవిరుద్ధమైన లేదా నియంత్రించబడిన మాదకద్రవ్యాలు, కాంట్రాబాండ్ (పిల్లల లైంగిక దోపిడీ లేదా దుర్వినియోగ చిత్రావళి వంటివి), మారణాయుధాలు లేదా నకిలీ వస్తువులు లేదా పత్రాల కొనుగోలు, అమ్మకం, మార్పిడి చేయడం లేదా అమ్మకాలను సానుకూలపరచడం వంటి నేరపూరిత చర్యను ప్రోత్సహించడం, సులభతరం చేయడం లేదా పాల్గొనడం వంటివి చేరి ఉంటాయి. ఇందులో లైంగిక అక్రమ రవాణా, కార్మిక అక్రమ రవాణా, లేదా ఇతర మానవ అక్రమ రవాణాతో సహా ఏదైనా రూపంలోని దోపిడీని ప్రోత్సహించడం లేదా సానుకూలపరచడం కూడా చేరి ఉంటుంది.

జూదము, పొగాకు లేదా ఆవిరి ఉత్పత్తుల వాడకం మరియు మద్యం యొక్క అనధీకృత ప్రోత్సాహముతో సహా నియంత్రిత వస్తువులు లేదా పరిశ్రమల యొక్క అక్ర���మైన ప్రోత్సాహాన్ని మేము నిషేధిస్తాము.

ఉగ్రవాద సంస్థలు, హింసాత్మక తీవ్రవాదులు మరియు ద్వేషపూరిత సమూహాలు మా ప్లాట్‌ఫామ్‌ను ఉపయోగించడం నుండి నిషేధించబడ్డాయి. ఉగ్రవాదం లేదా హింసాత్మక తీవ్రవాదాన్ని సమర్థించే లేదా అభివృద్ధి చేసే కంటెంట్‌‍ను మేము సహించము.

జాతి, రంగు, కులం, జాతి నేపధ్యం, జాతీయ మూలం, మతం, లైంగిక ధోరణి, లింగం, లింగ గుర్తింపు, వైకల్యం లేదా ప్రముఖుల స్థితి, వలస స్థితి, సామాజిక-ఆర్థిక స్థితి, వయస్సు, బరువు లేదా గర్భధారణ స్థితి ఆధారంగా విద్వేషపూరిత ప్రసంగం, లేదా వివక్ష చూపే, పరువుకు భంగం కలిగించే, లేదా వివక్ష లేదా హింసను ప్రోత్సహించే కంటెంట్‌ నిషేధించబడింది.