Dagen er ei kristeleg norsk dagsavis, stifta i 1919. Avisa har redaksjon i Bergen, kjem ut på papir og som e-avis seks dagar i veka, og blir utgjeven av Dagbladet Dagen AS.
Vebjørn Selbekk har vore ansvarleg redaktør sidan 2010.
Utanom nyheitsreportasjer ligg hovudvekta på stoff av religiøs, oppbyggjeleg art, og avisa fekk etter kvart ein sterk posisjon i vestlandsbygdene. Dagen vart stansa i 1942 for å unngå nazifisering, og kom ikkje ut att før krigen var slutt. Avisa blei slått saman med Magazinet, og kom i perioden 2008-2011 ut under namnet DagenMagazinet. Frå 1. april 2011 heiter avisa igjen Dagen. Blant redaktørane kan nemnast Johannes Lavik (1919–52), Arthur Berg (1956–85) og Finn Jarle Sæle (1985-99).
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.