Giuseppe Psaila
| Giuseppe Psaila | |
|---|---|
 | |
| Ħajja | |
| Twelid | 1891 |
| Mewt | 1960 |
| Edukazzjoni | |
| Alma mater | Università ta' Malta |
| Okkupazzjoni | |
| Okkupazzjoni | arkitett |
| Xogħlijiet importanti | Balluta Buildings |
Giuseppe Psaila (magħruf ukoll bħala Joseph Psaila) (1891–1960) kien perit Malti. Iggradwa mill-Università ta’ Malta madwar l-1915, u kien wieħed mill-ftit periti tal-istil Art Nouveau f’Malta peress li dak iż-żmien l-istil neoklassiku kien għadu popolari, speċjalment fil-bini pubbliku. Huwa kien influwenzat mix-xogħol tal-periti Taljani Raimondo D'Aronco u Ernesto Basile.[1]
Psaila ħadem fuq numru ta’ kummissjonijiet privati fil-bidu tas-seklu 20. Waħda mill-binjiet attribwiti lilu hija dar partikolari f'225, Triq it-Torri, Tas-Sliema li nbniet fl-1914 għal Antonio Cassar Torregiani.[2] Illum, din hija l-unika dar Art Nouveau li fadal f'din it-triq ta’ Tas-Sliema. Fl-2012–13, din id-dar ġiet rrestawrata u kkonvertit f'fergħa tal-Lombard Bank.[3] F'dan il-punt ġie miżjud it-tielet sular, konformi mal-istil arkitettoniku oriġinali.[4][5]
Bini ieħor iddisinjat minn Psaila f’Tas-Sliema jinkludi djar f'Lower Victoria Terrace (illum Triq Dun Karm Psaila), Triq Santa Margerita, Triq Stella Maris, Windsor Terrace, Triq Għar il-Lembi, u Triq it-Torri.[2] Iż-żewġ xogħlijiet l-aktar notevoli tiegħu huma Broadlands Mansions fi Triq it-Torri Tas-Sliema (1926) u Balluta Buildings fuq il-Bajja tal-Balluta f’San Ġiljan (1928). Dawn kienu blokki ta’ appartamenti mibnija għall-Markiż John Scicluna, u kienu binjiet imżejna b’mod elaborat li kellhom terrazzini kbar. Broadlands Mansions twaqqgħu fis-snin tmenin, iżda l-Balluta Buildings għadhom intatti u huma meqjusa bħala l-kapulavur ta' Psaila[1] u wieħed mill-aktar bini emblematiku ta' Malta.[6]
-
Bini tal-Lombard Bankf'Tas-Sliema (1914) -
Parti mill-faċċata tal-Balluta Buildings (1928) -
Townhouse Art Nouveau f'Tas-Sliema (Triq Lembi kantuniera ma' Triq it-Torri) -
.jpg)
Referenzi
[immodifika | immodifika s-sors]- ^ a b Muscat, Mark Geoffrey (2016). Maltese Architecture 1900–1970: Progress and Innovations. Valletta: Fondazzjoni Patrimonju Malti. pp. 11–15. ISBN 9789990932065.
- ^ a b "Sliema's built heritage". Flimkien għal Ambjent Aħjar. 16 November 2017. Arkivjat minn l-oriġinal fl-26 February 2018.
- ^ Chetcuti, Kristina (30 August 2012). "'More mileage than advert on billboard'". Times of Malta. Arkivjat minn l-oriġinal fl-9 April 2017.
- ^ "PM inaugurates Lombard Bank branch in Sliema". The Malta Independent. 31 January 2013. Arkivjat minn l-oriġinal fl-22 April 2018.
- ^ "Lombard Bank's Sliema Branch". Attard Bros Group. February 2013. Arkivjat minn l-oriġinal fl-22 April 2018.
- ^ "Grand design". Times of Malta. 21 January 2015. Arkivjat minn l-oriġinal fl-22 April 2018.