Calvatia candida

Calvatia candida
Irudi gehiago
Sailkapen zientifikoa
Erreinua	Fungi
Klasea	Agaricomycetes
Ordena	Agaricales
Familia	Agaricaceae
Generoa	Calvatia
Espeziea	Calvatia candida Hollós, 1902
Basionimoa	Langermannia candida

Calvatia candida Agaricaceae familiako onddo espezie bat da.

Sinonimoak: Lycoperdon candidum, Langermannia candida, Bovista olivacea.

Karpoforoa: Ez oso handia, 1,5 eta 6 cm bitarteko diametrokoa, globo itxurakoa, biribildua, baina kono forman oinarri aldera; exoperidioa piramide itxurako ezten zuriz aberatsa, oinarrirantz hirunaka edo launaka biltzen direnak, arrarotu eta banatu egiten dira laster; endoperidioa, ezten taldeekin batera bereizten den geruza oso mehe batek estalia, benetako endoperidioa gris-berdexka kolorez estalia utziz.

Gleba: Oliba antzeko koloretik arrexkara zahartzean.^[1]

Etimologia: Lycoperdon hitza grezierazko “lupa de lupo” hitzetatik dator, onddoak esporen hauts bafadak isil-isilik jariatzen dituelako. Candidun epitetoa bere koloreagatik du.

Gaztetan jangarria.

Lycoperdon bitxi bat da, Lycoperdon echinatum-en antzeko dekorazioa duena.

Lurzoru hareatsu samarreko pinudietan edo koniferoen basoetako leku idor eta belartsuetan.

Australia osoa, Kanada, Ameriketako Estatu Batuak, Mexiko, Costa Rica, Birjina britainiar uharteak, Brasil, Argentina, Islandia, Frantzia, Espainia, Austria, Alemania, Hungaria, Israel, Errusia, Txina, Japonia, Zeelanda Berria, Hegoafrika.^[2]