Shillish
| Shillish | ||||||||||||||||
|---|---|---|---|---|---|---|---|---|---|---|---|---|---|---|---|---|
 Duillagyn as messyn billey shillish (Prunus Avium)
| ||||||||||||||||
| Rang oaylleeagh | ||||||||||||||||
| ||||||||||||||||
| Ennym daa-ennymagh | ||||||||||||||||
| Prunus avium (L.) L. 1755 |
She billey 'sy ghenus Prunus eh shillish (Prunus avium). T'ad dooghyssagh da'n Oarpey, yn Affrick heear-hwoaie as yn Aishey heear. Ta coontey diploid 16 kroymasoomyn echey.[1]. Ta dagh ayrn jeh, er lhimmey jeh messyn appee, beggan nieunagh er y fa dy vel glycosaidyn keeanaganagh ayn.
Jalloo-oaylleeaght
She billey yn-lhoamey t'ayn. T'eh gaase wheesh as 32m er yrjid. Ta roost rea dhone dys jiarg-ghorrym ec biljyn aegey, as lenticellyn cochruinnagh er. T'eh çheet dy ve dhone-ghoo as scaanit er shenn viljyn. Ta duillagyn maylartey un-duillagagh oochrooagh echey, 7-14km er lhiurid as 4-7km er lheead. Ta ooir saue-eeacklagh oc, as cass duillag glass ny jiarg 2-3.5km er lhiurid.
Ta blaaghyn baney echey. T'ad gaase myr corymb dy ghaa dys shey, as queig petyllyn oc. T'ad goll er pollnaghey ec shellanyn. She droop jiarg dorraghey eh y mess oc, mysh 1-2km er crantessen. T'eh yn-ee, ga dy vel eh castagh ny keayrtyn. Ta un rass mooar creoi ayn, mysh 8mm er crantessen, as clash er y çheu echey.
Imraaghyn
- ↑ Tavaud, M.; Zanetto, A.; David, J.L.; Laigret, F.; Dirlewanger, E. (2004). "Genetic relationships between diploid and allotetraploid cherry species (Prunus avium, Prunus xgondouinii and Prunus cerasus)" (Baarle). Heredity 93 (6): 631–638.
