Duncan Laurence

Duncan Laurence, berne as Duncan de Moor (Spijkenisse, 11 april 1994), is in Nederlânsk sjonger en songwriter. Hy waard bekend fan syn meidwaan oan it fiifde seizoen fan it televyzjeprogramma The voice of Holland, dêr't er de heale finale helle.

Duncan Laurence wûn mei it nûmer "Arcade" foar Nederlân it Eurofyzje Sjongfestival yn 2019.^[1]

Karriêre

Oplieding

Yn 2012 helle de sjonger foar it earst it nijs mei it winnen fan it lokale Brielle’s got Talent. Al mei 13 jier skreau De Moor teksten foar syn band The Slick and Suited, mar ek foar oare artisten. The Slick and Suited is yn jannewaris 2013 ûntstien op de Rockakadeemje yn Tilburch, dêr't De Moor yn 2017 ôfstudearre.^[2]]

The Voice of Holland

De Moor die yn 2014 mei oan it fyfte seizoen fan The Voice of Holland en kaam yn it programma mei it nûmer Sing fan Ed Sheeran. Yn it team fan Ilse DeLange wist er de heale finale te heljen.^[3]

Eurofyzje Sjongfestival

Duncan Laurence op it Eurofisy Sjongfestival

Op moandei 21 jannewaris 2019 waard bekend dat Duncan Laurence mei it nûmer Arcade Nederlân fertsjintwurdige op it Eurofyzje Sjongfestival 2019 yn Tel Aviv, Israel. Duncan Laurence waard yn de heale finale al oertsjûgjend earste en mei in ferskil fan 27 punten wûn er op 18 maaie 2019 ek de finale fan it festival.^[4]

Prizen

Jier	Priis	Kategory	Nûmer	Resultaat
2019	OUTmusic award	–	Arcade	Wûn
	Marcel Bezençon Award	Press Award		Wûn
	Eurofyzjesjongfestival	–		Wûn

Keppeling om utens

Side Eurofyzje Sjongfestival 2019

Boarnen, noaten en referinsjes

Boarnen, noaten en/as referinsjes:

[1] AVROTROS, 21.01.2019

[2] Omrop Brabân, 21.01.2019

[3] Youtube, The Blind Auditions | The voice of Holland 2014

[4] Side Eurovision Song Contest 2019

[1]