Evaristo Bozas
Itxura
Evaristo Bozas Urrutia (Errenteria, Gipuzkoa, 1886 - Tres Arroyos, Argentina, 1929) gaztelaniaz idatzi zuen kazetari eta idazle euskalduna izan zen.
Biografia
1903an Argentinara joan zen, eta kazetari-lanetan aritu zen, alderdi erradikalaren inguruko egunkarietan. 1921ean Euskal Herrira itzuli eta Errenteriari buruzko artikuluak bildu zituen Andanzas y mudanzas de mi pueblo liburuan. 1923an sortu eta zuzendu zuen El País Vasco egunkaria eta 1928an, berriz ere Argentinara jo zuen; han Tres Arroyos hiriko La Región egunkariaren zuzendari izendatu zuten. Administrazioaren azpijokoen salatzailea zela eta, 1929. urtean tiroz hil zuten atentatu batean.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.